a woman standing in the middle of a street at night

पोटदुखी ======= पोटदुखी हा आजार आपल्याला सामान्य वाटत असला, तरी पोटदुखीचे निदान करणे अवघड असते..पोटदुखीचा त्रास प्रत्येकाने आपल्या आयुष्यात कधी ना कधी भोगलेलाच असतो. पोटात दुखते तेव्हा काही प्रसंगात कुठलाही गंभीर आजार नसतो, त्याचे सहज निदान होते आणि उपचार घेतल्यावर बरेही वाटते. मात्र, कित्येकदा पोटात दुखणे हे एखाद्या मोठ्या आणि त्रासदायक आजाराचे लक्षण असू शकते. त्यामुळे पोटशूळ उठल्यावर तो गंभीर आहे की साधा? हे जाणून घेण्यासाठी डॉक्टरांचा सल्ला वेळेवर आणि लगोलग घेणे श्रेयस्कर ठरते. पोटदुखीच्या कारणांमध्ये अनेक अवयवांचे असंख्य आजार निगडीत असतात आणि त्याच्या वेदनाही विविधतेने नटलेल्या असतात. पोट दुखण्याच्या वेदना कधी सौम्य असू शकतात तर कधी प्राणांतिकसुद्धा. कधी रुग्ण पोटावर दोन्ही हात ठेवून पिळवटल्या चेहर्‍याने ओरडतो, तर कधी तो जमिनीवर गडबडा लोळतो. पोटदुखीची विविध कारणे आहेत. मल-मूत्र अडवून धरणे, अधिक उपवास, खूप जास्त हसणे, बोलणे, अतिव्यायाम, जागरण, हरभरे, वाटाणे, तूर यासारखी धान्ये किंवा रूक्ष पदार्थ खाणे, वारंवार अजिर्ण होणे, वेळी-अवेळी जेवणे, सुकलेल्या भाज्या खाणे, यासारख्या कारणांसोबतच अमांश, आम्लपित्त, व